كل من يلعب لعبة البوكيمون الجديدة فهو جاسوس مجاني يعمل لحساب الشركة المطورة لهذه اللعبة . وتعتبر لعبة pokémon Go من اخطر التطبيقات التجسسية التي شهدتها البشرية لحدود الساعة ! وقد تتجاوز خطورة الفيسبوك لتصبح كعكة يسيل لعاب امريكا للحصول عليها التفاصيل فى باقى الموضوع
كلنا سمعنا عن بوكيمون جو في الكام يوم اللي فاتوا وأغلبنا لعبها وأنا منهم، اللعبة لغاية دلوقتي ضافت لقيمة الشركة 9 مليار دولار في يومين ولسه العداد بيعد، بعد ما نزلها ملايين، لدرجة إن الشركة قفلت التسجيل فترة والسيرفرات وقعت أكتر من مرة من الضغط.
ولإني إتكلمت عن الأمان على الإنترنت قبل كده في موضوع جوجل، فحبيت اتكلم شوية عن الأمان في اللعبة دي علشان إنت كمستخدم تبقى فاهم إنت فين؟ وإيه المعلومات المكشوفة عنك لما بتلعبها.
أولا اللعبة قايمة على نظام تحديد الموقع GPS على تليفونك، وده معناه إن اللعبة بتشوف تحركاتك كلها، روحت فين وإزاي وإمتى وإنت فين دلوقتي وقعدت قد إيه، وده مبيقتصرش على وقت اللعب بس، لا، ده وإنت قافل اللعبة كمان. ولا مراتك يعني.
وطبعا زي أي تطبيق، المعلومات دي "بتتخزن" في السيرفرات عندهم يعني مش Temp.
وطبعا زي أي تطبيق، المعلومات دي "بتتخزن" في السيرفرات عندهم يعني مش Temp.
في "قواعد الخصوصية" بتاعت اللعبة كاتبينها صريحة إنها بتجمع معلومات عنك طول الوقت، زي، الإميل بتاعك والـIP، وصفحات الإنترنت اللي بتفتحها، أسماء المستخدم بتاعتك، مكانك، ولو داخل بحساب جوجل فإنت بتدي اللعبة "المطورين" صلاحية الإطلاع على حسابك في جوجل بما فيها الإميلات وجوجل درايف وكل حاجة تخص الحساب.
ده غير الاستخدام المفتوح للكاميرا والمايك .. If you know what i mean
ده معناه إن لو السيرفرات إتعمل عليها هاك، حياة حضرتك بقت في الشارع بفرض حسن نية المطورين والشركة وإنهم مش هيستخدموها، وطبعا مع الانتشار الكبير للعبة بقت هدف للهاكرز.
وتخيل لو ولادك بيلعبوها، يعني هم كمان حياتهم ومعلوماتهم الشخصية ممكن تقع في إيد غريب قدر يدخل السيرفر.
وتخيل لو ولادك بيلعبوها، يعني هم كمان حياتهم ومعلوماتهم الشخصية ممكن تقع في إيد غريب قدر يدخل السيرفر.
كمان الشركة عندها الحق إنها تشارك معلوماتك مع أطراف تانيين لأغراض ترويجية، أو تحليلية، وكمان ليهم الحق يشاركوا المعلومات دي مع الحكومات.
مبقولش إن ده التطبيق الوحيد اللي بيعمل كده، فيه تطبيقات كتير بتشتغل بالـGPS وبتجمع معلومات عامة عن مكانك، بس... اللعبة دي بتسجل تحركات بالمللي في كل ثانية.
ده Review عن الأمان في اللعبة.. والموضوع يرجعلك في الآخر
هتلاقوا في التعليقات لينك من "سياسة الخصوصية" اللعبة" ولينك هياخك على حساب جوجل بتاعك علشان تشوف اللعبة واخدة صلاحيات قد إيه، ولينك لبوست قديم عن جوجل اللي هي أصلا مالكة للشركة من 2004.
هتلاقوا في التعليقات لينك من "سياسة الخصوصية" اللعبة" ولينك هياخك على حساب جوجل بتاعك علشان تشوف اللعبة واخدة صلاحيات قد إيه، ولينك لبوست قديم عن جوجل اللي هي أصلا مالكة للشركة من 2004.
قلقت؟
وصلها لغيرك!
وصلها لغيرك!
ليست هناك تعليقات:
إرسال تعليق